سرايا - كشف أحمد أبو زهرة، نجل الفنان عبد الرحمن أبو زهرة آخر التطورات الصحية لوالده.

وقال نجل أبو زهرة: "والدي من حوالي أسبوع وقع في المنزل وقعة خفيفة، ولكن بعدها قام واتحرك، وقعدت أنا شخصيا اتكلمت معاه، ولكن بعد مرور يوم بدأت أعراض غريبة تنتابه، وكان بياخد أدوية كتبها له دكتور مخ وأعصاب، وكان الدكتور بيتكلم عن جفاف، وأنه لازم يشرب مياه كتيرة، ولكن للأسف كان بيرفض يشرب مياه بعد ما وقع، وبدأت حالة غريبة تكون عنده يظهر فيها عدم التركيز وعدم إدراك للأشياء اللي حواليه، بعدها اضطرينا ننقله المستشفى، بعد ما دكتور المخ والأعصاب قال لازم رعاية مركزة".

وأضاف أحمد أبو زهرة في تصريحات صحفية: " لما راح المستشفى عرفنا إنه كمان عنده كسر في مفصل الحوض الأيمن وكان آخر مرة عرفت أتكلم معاه كلمتين يوم الجمعة اللي فاتت وغير كدة هو مش في وعيه خالص، ومن ساعتها مفيش أي تقدم؛ خاصة أنه لا بياكل ولا بيشرب وطبعا كدة المعدة حتتوقف تمامًا".

واختتم "أحمد أبو زهرة" حديثه قائلًا: "هو موجود على أجهزة حاليًا لضخ الأكل والسوائل في الجسم علشان موضوع الجفاف، ولكنه واضح إن الجفاف مازال شديدًا ومفيش أي تحسن".

• إقرأ أيضاً : ويل سميث يحصد جائزة أوسكار ويصفع مقدم الحفل .. صورة
• إقرأ أيضاً : هيفاء وهبي تتعرض للانتقادات بسبب نصيحتها للفتيات: حبي جسمك ووجهك
• إقرأ أيضاً : حكايا عن أدوار “نسرين طافش” وسبب براعتها في مسلسل طريق النحل .. أصيـ.ـبت بالزهايمر بسن مبكر ونصيحة لها فرقت حبيبين عن بعضهما