سرايا - وصلت سرايا رسالة من قارئ يريد حلا وتاليا نص الرساله كما وصلت :

سرايا- انا شاب عمري 23 سنه قبل 3اشهر ماتت امي وابوي واختي بحادث سياره بسعوديه وما ضل الا اخ واحد عمرو خمس سنين ومن يوم الحادث لهلا ما بحكي ولا بحب يتعامل مع حد ولا بخلي حد يحكي معو وكل حياتنا صارت حزن ودايما ببكي وبخاف من كل الناس وهو امور كتير فحكالي شخص انو السبب الحسد.

 ومن هدا الحكي فرحنا عند شيخ وحكالي لا لازمو دكتور نفسي يراجع حالتو ولما رحنا عند دكتور ضلو شهر يحاول معو ولهلا ما بنطق ومش راضي يحكي وبحكي الدكتور انو فاقد امو كتير ورح يتاخر لما يحكي طيب انا مش عارف شو اسوي بالذات انو عنا القرايب عقارب وهو اصلن ما رح يتقبل حدا منهم وانا عندي شغل ومش عارف شو اسوي معو لانو ما بقدر اسيبو لحالو وما بقدر اامن عليه حدا لانو ممكن ما يقدر يسيطر عليه بدي حل من الي عندهم اولاد او الي بفهمو بهيك شغلات كيف اخليه يقدر يتعامل مع الناس؟؟؟؟؟؟؟؟ وشو اعمل معو؟؟؟؟؟؟؟ ومين ممكن يقدر يتقبلو غيري ويقدر يرتاحلو وانا مش راضي اتجوز عشان بخاف اجيب حدا ما يطلع منيح معو واكون انا سبب بخراب حياتو يعني بستنى لما يوعى ويكبر وبتجوز.