سرايا - لأول مرة منذ 4 سنوات قررت الممثلة المصرية ثراء جبيل، ان تخرج عن صمتها وتتحدث في موضوع خلافها مع المخرج أحمد صالح.



وقالت ثراء خلال حلولها ضيفة على برنامج “نص الكلام”، ان الشخص الذي لن تعمل معه مجدداً، هو أحمد صالح: اشتغلت معاه في مسلسل بحـر.. هو كان عنده اخت شغاله مساعد مخرج "سكريبت ملابس" غلطت فالمساعده بتاعتي غلط جامد عشان حاجه احنا مكنش لينا ذنب فيها خالص عشان راكور لحاجه هي مش بعتاه اصلا ، وهزقتها جامد وانا سامعاها وهيه بتتكلم علينا وانا فالكرفان وصوتها عالي جدا فوسط الشارع".

وتابعت: “المهم حليت الموقف وجبتلها حاجه شبهها بالظبط وطلعت صورت المشهد بمنتهي الاحترافية وخلصته ، ونزلت بعد كده عشان اخد حقي وحق البنت اللي اتهزقت بشكل مش لطيف خالص وسط الناس .. فعليت صوتي وزعقت زي مهيه عملت بالظبط وبدون اي تجاوز وقولتلها انتي الغلطانه ومينفعش تزعقي كده احنا ولا مره قصرنا فشغلنا ومتقوليش حاجه تطلع علينا سمعه اننا ناس مهمله لان ده إهمال منك انتي”.

وختمت: "وانا لما بتعصب ببقي صعبه شويه فهيه ( عيطت ) وطبعاً راحت عيطت لأخوها الاستاذ المخرج ، بعد شويه لقيته بيكلمني فالتلفون ( ألو .. ثراء .. ايوه .. انا احمد صالح ) وفضل حوالي 20 ثانيه بيسبنـي ويشتمني بافظع الألفاظ واقذر الشتايم. كان في وجود المنتج الفني وممثله زميله والمساعدين وانا كنت فاتحه الاسبيكر لاني متعوده طول الوقت مش بحط التليفون علو ودني ومعرفش أن ده هيحصل .. طبعاً كلهم مكنوش مصدقين وانا كل اللي عملته قفلت السكه ومردتش".

• إقرأ أيضاً : بسمة تكشف للمرة الأولى سبب طلاقها
• إقرأ أيضاً : حركة من إليسا تغضب جمهور نانسي عجرم وهكذا بررت فعلتها!
• إقرأ أيضاً : طلب غريب في وصية كلوي كارداشيان