سرايا - سرايا - وصلت سرايا رسالة من احد قرائها تريد حلا،وتاليا نص الرسالة:

 انا سيدة متزوجة من سنتين واخدت زوجي عن حب وما شاء الله ما عندنا اي مشاكل كبيره والحمد الله وزوجي فيه كل المواصفات الجيدة

ولكنه مجنني بدقق على كل شي زغيره يعني بحاسبني كانه عمره سنيتن ومابحملني مسؤوليه اي شي وكاني بنته مش مرته احنا والحمد الله عندنا طفل عمره سنه والناس لما تشوفنا ابتحسدنا بس مابعرفوا انه زوجي كتير مزعج لانه بدقق على كل شي بعمله على حكي مشي تصرفاتي حتى ضحكتي لازم تكون مزبوطه وانا واهله والحمد الله متفقين بس يا ويلي اذا حكيت حتى لو بالمزح كلمه تزعلهم بس هما يحكوا عادي .او حتى يزعلوني بحكيلي استحملي عشاني.

بصراحه يمكن تحسوا انه قصتي سخيفة بس انا بجد بديت امل واتعب كتير اي مرات بحس حالي خايفه اني اعمل اي تصرف حتى لو مش عن قصد يزعله بجد نفسي حد يساعدني ارجوكم ارجوكم