سرايا - سرايا -  وصلت "سرايا" رسالة من احد قرائها ويريد حلا ً لها، وتاليا ً نص الرسالة :

السنة الماضية وقبل ظهور النتائج كنت على اعصابي وبستنى بالنتيجة حتى آخدها من المدرسة وكان في طلاب كتير وكنت بستنى حتى يروحوا ويلا في طالب توجيهي من المدرسة المقابلة حكالي اعطيني رقمك الموبايل ورقم الجلوس وانا بحكيلك النتيجة ، واعطيته ووثقت فيه. بعد خمس خمس دقائق رن علي وبشرني اني ناجحة وشكرته.

 حكينا مع بعض وتعلقنا في بعض كثير. ودخلنا نفس الجامعة ونفس التخصص ، بس اكتشفت انه اله صاحبات كثير وكل بنت بتعرف عليها بوخد رقمها وبصير يحكي معها ويتغزل فيها امامي.

المهم طلبت منه يبعد عني رفض وحكالي بحكي كل اللي بينا لأبوكي لانه ابوي كل يوم بوصلني للجامعة ، مشكلتي اني وثقت فيه وبعتله صوري عن طريق البلوتوث وهلأ ماسكني من ايدي اللي بتوجعني. كيف بدي اخلص منه؟