سرايا - سرايا - وصلت "سرايا" مشكلة من أحد قرائها ويريد حلا ً لها، وتاليا ً نص الرسالة :

أنا متزجة من 3 سنين وعندي طفل عمره سنتين، وزوجي روحني عند أهلي من 6 شهور ولهلأ ما طلقني.

كتير كنت متأثرة بالبداية، لإنه فعلاً ما صار شي يستاهل ياخد هيك قرار ضدي، بالآخر هو حر، بس شوي شوي بلشت أتعود عالروتين الجديد عند أهلي، وأتقبل فكرة إنه رح أعيش بقية حياتي لحالي، وأستوعبت إني بدي أصنع حياة مستقلة إلي وخصوصاً عشان إبني.

الشي اللي صار مو سهل واللي بيصعب الشغلة علي أكتر وأكتر إنه والدتي بتضل تحكيلي إنه دايماً صوتي ووجهي حزين، وهي فعلاً خايفة علي كتير وخصوصاً إنه نادراً ما أبينلها إنه بفكر أو متأثرة بهاد البشي، وإنه أنا متغيرة ومو زي أول بحيويتي وضحكتي، وهاد الشي بيتعبني بزيادة.

ومع العلم إنه أنا بنتها الوحيدة، أنا بدي أرجع قوية زي ما كنت، بدي أعرف أشخص حالتي، هل أنا فعلاً ما تجاوزت الموضوع ولا ماما زعلانة عشاني لدرجة إنها هي مو متقبلة الموضوع..

كيف أنا بقدر أمحي تاريخ أبشع 3 سنين بحياتي وما أخليهم يلقوا بظلالهم على شخصيتي وعلى ابني وعلى مستقبلي.

أنا مؤمنة بقدر الله, وإنه ممكن هاد الزواج كان عقاب أو ابتلاء،  بس بدي هاد الشي يطلع مني عشان لأقدر أرجع زي ما كنت قبل الزواج وأحسن كمان، شكرا ً.