سرايا - أثارت فتاة أردنية تدعى ريناد حسان، إعجابا واسعا، لما فعلته مع عريسها بشأن تكاليف الزواج.


وفي منشور لها عبر فيسبوك، قالت الفتاة، "لما قررت أتزوج، الوقت الي احتجته كان أقل من شهر، تحديدًا ٢١ يوم بين قرار الزواج وتمامه، والسرعة هاي ببساطة لأننا قفزنا عن تفاصيل انا بشوفها مقيتة، قفزت عن العرس والذهب والمهر وكل وجع الراس هاد ما دخلنا فيه من أساسه، طبعًا أبسط كلمة سمعتها حتى من أقرب الناس الي "ليش مرخصة حالك هيك! لا والي بدها تكون لطيفة معي بتحكيلي ما ألطفك، تنازلتي عن البدلة البيضا والعرس لاجل الحب" مع العلم انا ما تزوجت عن قصة حب عظيمة".


وأضافت، "بس بكل أمانة ما كنت شايفة الي عملته تنازل، كان مجرد فعل منطقي، مهو وين المنطق إنه في بلد زي الأردن متوسط الدخل لا يتجاوز ٧٠٠ دينار (في أحسن الأحوال) بيجي العريس بلاقي مطلوب منه ١٠ أضعاف دخله مهر، وأربع أضعافه ذهب وخمس أضعاف دخله مصاريف العرس وعفش وبيت وسيارة ودوامة بيدخلها المسكين بلاقي حاله لبس في حيطة، ومجبور يتداين عشان يلاقي "بنت الحلال" الي تونسه وتعاشره بالحلال، عشان بعد أقل من سنة يضيق الحال فيهم ولأنها "أصيلة" بتعطيه الدهبات يبيعهم بمخسر وبتعيش معه عالكفاف لحد ما الله يفرجها! طب ليش من الأول".


واختتمت منشورها بالقول، "الخلاصة عزيزتي، كان مهرك ألف أو عشرة بالحالتين هذا تسليع، لا تحطوا حالكم تحت ضغط عشان تكملوا صورة وهمية ترضوا فيها الناس والمجتمع لأنه رضاهم غاية لا يدركها إلا منافق، استثمروا هاد الوقت والجهد والتركيز في حياتكم ما بعد الزواج مش قبلها".

• إقرأ أيضاً : مصدر: أحد المحكومين بالإعدام بقضية السلط الإرهابية فار خارج البلاد
• إقرأ أيضاً : الضمان: تم تقديم مقترح لتجويد نص تخفيض الاشتراكات على منشآت القطاع الخاص
• إقرأ أيضاً : الضمان: معدل القانون يسمح للمتقاعد العسكري الجمع بين راتبين