سرايا - كشفت الفنانة جوري بكر أن اسمها الحقيقي هو شيماء، وقالت إن زوجها يناديها باسمها الأصلي إذا ارتكب مصيبة، وقالت إنها استلهمت اسمها الفني "جوري" من اسم طفلة سعودية ولدت في مصر، وتحدثت عن حقيقة خضوعها لجراحات تجميل، مؤكدة أنها "ضربت كام حقنة فيلر"، وتلقت نصيحة بتعديل شكل الأنف.

تابعت "بكر" خلال لقائها في برنامج "اسألني" على CBC: "جوري اسم عزيز جداً على قلبي، وكانت ابنة لأصدقاء والدي أتوا من السعودية وولدت بيننا، وعجبني الاسم فاخترت جوري، وكان اسم للشهرة، والحمد لله ربنا كرمني والاسم سمّع في كل حتة".

وأضافت جوري بكر: "زوجي أحياناً يناديني شيماء، وعندما يناديني شيماء أعرف إن فيه مصيبة حصلت، وأنا نقطة ضعفي الأكل وأكتر أكلات بحبها سي فود ومحشي كرنب".

وتحدثت عن زوجها قائلة: "أكتر حاجة بحبها في جوزي إن هو متفاهم وقلبه طيب، عنده عادات وتقاليد هو محتفظ بيها وأي راجل بيتعصب، بس لما بيتعصب بيهدى بطريقة لطيفة جداً".

جوري بكر: ضربت كام حقنة فيلر للشفايف
وحول حقيقة خضوعها لعدة جراحات تجميل، قالت جوري بكر: "ضربت كام حقنة فيلر؟ هو مين مابيضربش فيلر؟ بس أنا عملتها مرة في حياتي ومن ساعتها معملتهاش تاني، هو الموضوع رباني يعني".

وواصلت جوري بكر: "أكتر حاجة أحبها في شكلي هي شعري، وأنا عملت مرة واحدة فيلر في شفايفي ومن ساعتها ما عملتش حاجة، وناس كتير قالت لي إني محتاجة عملية تجميل في مناخيري لأنها معووجة وأنا شايفاها تمام".

تابعت قائلة: "أنا الحمد لله مبسوطة بالنعمة اللي ربنا ادهالي، أنا مش بعدل خلقة ربنا أو خلقتي.. فيه ناس بتقعد تحطلي صور قديمة من أيام ما كنت عيلة صغيرة، أكيد طبعاً كان شكلي تماماً مختلف، نقول مثلا إن إحنا كلنا مكنش عندنا أي نوع من أنواع التواصل مع السوشيال ميديا ولا كنا بنعرف نلبس كويس ولا نحط ميكب آب ولا نحط فلاتر، فأنا كنت زمان عبيطة أوي في الحاجات دي لكن دلوقتي أنا حاباني بملامحي يعني، في ناس كتير كانت بتقولي إن مناخيرك محتاجة تتظبط شوية لأنها معووجة، بس أنا شايفة إن هي تمام".

وذكرت: "اكتشفت في محمد رمضان إن هو بيعيط بجد، ومشاهده حقيقية جداً، من كتر ما هي حقيقية إحنا كنا بنصدقه وبنعيط معاه في المشهد، كان المشهد بيبقى صعب".

يذكر أن جوري بكر تصدرت الترند أكثر من مرة في موسم المسلسلات المصرية لرمضان 2023 بشخصية "وداد" المثيرة للجدل ضمن أحداث مسلسل "جعفر العمدة"، من بطولة: محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق الدسوقي، عصام السقا، منة فضالي، وعدد آخر من الفنانين، وتأليف مهاب طارق ومحمد سامي، وإخراج محمد سامي.

• إقرأ أيضاً : بعد طلاقها بـ24 ساعة .. بسمة لشخص: انت تستحق الحب
• إقرأ أيضاً : ياسمين صبري تتصدر شباك الأعمال السينمائية الجديدة
• إقرأ أيضاً : أصالة تكشف عن أسرارها في "فيلم قصير"