سرايا - روى الزميل محمود قطيشات حكاية قال عنها أنَّها حدثت فعلا بين خطيب وخطيبته .

يقول قطيشات :

"اعتقد بنت الأصل والفصل
بتستحي على حالها تحكي لخطيبها ٧ هيك كلام
بعد ما وافقوا أهلها على
حضرة جنابه
وقبلوا فيه عريس لبنتهم
وحددّوا موعد قراية الفاتحة
طلعت العروس مع العريس على عمان
وطلعت امّها معهم على اساس يشتروا ( الدبل ) وإسوارة وبعض الأشياء
الخصوصية للخطيبة

بنص الطريق ام العروس
بتحكي للعريس
اسمع يا عمتي
خطيبتك بدها تحكي لك اشي
بس هي خجلانة منك
ردّ عليها ....
ولو يا عمتي
خطيبتي كل طلباتها أوامر
طل على خطيبته
شو يا نور العين
انا تحت أمرك ....
حكت له شوف يا محمود
طبعا الاسم مستعار
انا بحب الاستقلالية في بيتي
وما بحب اي حدا يتدخّل
بخصوصياتي الشخصية
حكى لها مش فاهم
احكيلي يالي ببالك
انا خطيبك وانت بدك تكوني زوجتي امام الله
حكت له ...
انت متى ما بدك تروح على امك روح ما بمنعك
بتظل امك
بس انا ما بدي أمك تظلها
خِتّي مِتّي
رايحة جاية علينا
من حقي ارتاح ببيتي
ومن هسا اللي اوله شرط
آخره سلامة
حكى لها في كمان شروط ثانية
حكت له كلشي بوقته حلو
وانت بتعرف امك دقّة قديمة
بدها تعتبر بيت ابنها بيتها
حكى لها ظل عندك شروط
ثانية
حكت لا

قبل ما يصلوا جريدة الدستور ب ٢٠٠ متر
محمود اخذ مسرب اليمين
طلع فوق الجسر
ورجع رجوع من محل ما طلع
الخطيبة وأمها صاروا
يطلّوا بوجوه بعض
محمود طول الطريق ظل ساكت ما حكى ولا كلمة
حتى وصلوا لباب بيت اهلها
هناك وقبل ما تنزل هي وأمها
حكى لها الحمد لله اللي بعدنا بأول الطرق
لانا ... برضه الاسم مستعار انتِ ما بتلزمينيش
امي عندي اياها بتسوا العالم كله
لانا ....
انت طالق وبالثلاثة
وفعلا طلقها"

• إقرأ أيضاً : تفاصيل جديدة ومؤلمة حول حادثة انتحار عشرينية من أعلى جسر عبدون
• إقرأ أيضاً : "المهن الطبية المساندة" تنفذ وقفة احتجاجية الأحد لعدم تنفيذ وزارة الصحة كافة مطالبهم
• إقرأ أيضاً : صور صادمة .. كلاب ضالة تعقر طفل في إربد