سرايا - وصلت سرايا رسالة من احد قرائها يريد حلا،وتاليا نص الرسالة:

تزوجت منذ اربع سنوات واخذت زوجتي عن حب وطيلة فترة ماقبل الزواج لم اتكلم مع فتاة اخرى ابدا وهي تعرف ذلك الشي وانا متدين اصلي واصوم واقوم اليل واقرا القران.

وزوجتي كذلك لكن المشكلة انه بعد الزواج اصبحت تسالني اين ذاهب؟ اين كنت؟ مع مين رايح؟ متى راجع؟ ليش بدك تطلع؟ وهاد التحقيق الذي يوجد به الف سؤال يوميا ولابد من الاجابة.

ناهيكم عن انه كل ماحدا اتصل علي مع مين بتحكي بتفكرني بحكي مع غيرها علما انه انا مش مسجل ولارقم بنت حتى رقمها مش مسجله عندي.

ياجماعة غيرتها والله فقعتني علما انه ماعملت شي غلط وبحبها وما ببدلها بكنوز الدنيا كلها احكولي شو اعمل.بعرف انه الي بتغار على زوجها معناته بتحبه كثير بس مش لهالدرجة وفي الف طريقة تظهر حبها غير هالطريقة او مع وجود هاي الطريقة بس بأشي مقبول مش على الطالعة والنازلة اسئلة وتحكي انه عامل شي غلط. (ارجو النصيحة علما انه بحبها وما ببدلها بكل الدنيا بس غيرتها مش طبيعية)