سرايا - لا تزال توابع انفصال الفنانة بسمة بوسيل عن الفنان تامر حسني عرضاً مستمراً، خاصة بعد أن اتهمت الفنانة بسمة بوسيل، فتاة تدعى هالة عمر وهي منسقة أعمال طليقها الفنان تامر حسني ، بأنها السبب الرئيسي وراء انفصالها عنه.
ونشرت بسمة بوسيل طليقة الفنان تامر حسني، عبر خاصية استوري الخاصة بحسابها الرسمي على انستجرام، صورة لطليقها مع هالة عمر، وذلك من حفل زفاف الأخيرة، وعلقت: حسبي الله ونعم الوكيل فيكي يا هالة.
لم يتوقف الأمر عند ذلك الحد، بل قررت بسمة أن تكتب رسالة أخرى عبر خاصية الاستوري أيضاً، أكدت من خلالها بأن الفتاة التي تدعى هالةعمر كانت سبب رئيسي هدم حياتهما .." احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك.

سكرين شوت من حساب بسمة بوسيل على انستغرام 

سكرين شوت من حساب بسمة بوسيل على انستغرام 

تامر حسني وشقيقه حسام يشاركان هالة عمر فرحتها

على جانب آخر حرص تامر حسني برفقة شقيقه حسام حسني على حضور حفل زفاف هالة عمر الذي أقيم مساء أمس ، حيث وثق تلك اللحظة من خلال مقطع فيديو نشره عبر حسابه الرسمي، وظهر من خلاله وهو يصطحب هالة إلى عريسها وسط أجواء مليئة بالسعادة والبهجة من الحضور، وأرفق تامر تعليقاً مطولا على هذا الفيديو .." لـ كل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها.

وتابع تامر حسني: لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة.
وأضاف تامر حسني: وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب.

واستطرد قائلا" فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله"
واختتم تامر حسني تعليقه قائلا: ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله.

• إقرأ أيضاً : ماغي بو غصن تشرح الحالة الصحية التي مرت بها وأول دور مثلته كان من كلمتين فقط
• إقرأ أيضاً : شريهان تستعد للعودة إلى الشاشة بمسلسل "ضخم"
• إقرأ أيضاً : موزع "أنا دمي فلسطيني": لم أطلب حذف الأغنية