سرايا - وصلت سرايا رسالة من احد قرائها تريد حلا،وتاليا نص الرسالة:

انا عمري 22 سنة وحيدة اهلي الي صديقة كتيرعزيزة على قلبي واحنا النا 10 سنين اصدقاء من ايام المدرسة والكل بفكرنا اخوات ولكن قبل 8 اشهر صديقتي انخطبت ومن هون بدت المشكلة.

انها صارت كتير تشوف حالها علي وعلى قولت خطيبي وخطيبي وما في بتمها غير كلمة خطيبي واول ما تشوفني قبل ماتقول لي كيف حالك بقولي خطيبي جابلي وخطيبي عملي.

وبصراحة انا بطلت اتحمل وكأنه ما في غيرها خطب والمشكلة انو خطيبها اقل من عادي وصارت كل ما تشوفني تسمعني حكي اني مش خاطبة.

واخر مرة حكتلي بدك مليون سنة لتخطبي واحد متل خطيبي مع اني اجمل منها بكتير وعندي اخلاق ومن عيلة محترمة وملتزمة ومش عارفة شو اعمل فيها كتير بتقهرني انا حابة اتركها بس انا بحبها وما عندي اخوات ودايما بحس بالوحدة وهي متل اختي انصحوني ارجوكم شو اعمل.