ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

بتمنى اقعد في البيت متلك ؛انتي في نعمة بس مش حاسه فيها؛ لو انا محلك وعندي زوج كويس زي زوجك ومقتدر والله والله والله لاقعد في البيت من هلاء مش من بكره؛ نصيحتي كرسي حياتك لبيتك وزوجك طالما زوجك برضو حابب انك تعطيه وقتك وحبك؛ وطالما هو رح يعوضك ماديا شو الله جابرك على الذل والبهدله؛ صدقيني بنصحك تقعدي في بيتك معززه مكرمة؛ اسألي معظم الموظفات بتمنوا يقعدوا في البيت ويلاقوا انسان محترم يصرف عليهم؛ ما بعرف شو سبب تمسك اهلك برأيهم انك تستمري في عملك؟؟ هل بتعطيهم جزء من راتبك وهمه معتمدين عليه!! اذا كان هادا هو السبب فإنتي بتقدري توفري مبلغ معين من اللي بيعطيكي ياه زوجك وتساعدي اهلك فيه غير هيك ما بنصحك بالشغل اكسبي صحتك وعافيتك للزمن؛ هينا بنشتغل وكل أمراض الدنيا فينا وبعدنا صغار وما بنقول غير الحمد لله وما تنسي بكره بسير عندك أطفال رح تتغلبي فيهم وين بدك تحطيهم؟؟ وما بتضمني سلامتهم عند أيا حدا؛ ما حدا رح يدير باله عليهم متلك وما حدا رح يخاف عليهم متلك لما تكوني موظفة يا دوب ترجعي تنظفي بيتك وتطبخي لزوجك وولادك واتدرسيهم وتحمميهم وتنيميهم وانتي يا دوب قادره تجري اجريكي جر من التعب بعد الدوام؛ فكري بكلامي ورح تلاقي حالك كسبانه كتير شغلات ؛بيتك وزوجك وصحتك اهم اشي وولادك بحضنك مش عند ايا حدا تاني وربنا بالآخر هو اللي رح يختارلك اللي فيه خير الك؛ ربنا يختارلك الأفضل والله يوفقك ويسعدك يارب