الفرق بين نظام فرامل Abs و Ebd

03-09-2023 08:38 AM

تعديل حجم الخط:

سرايا - مع تقدم التكنولوجيا ابتدى يظهر أنظمه فرامل بتقدر من خلالها تتحكم في إتجاهات السيارة فى نفس وقت دوسك على الفرامل وأنظمه تمنع انزلاق السيارة عن مسارها وبذلك بتقدر توفرلك نسبه آمان عاليه جداً أثناء قيادة السيارة، من هذه الأنظمه نظام Abs & Ebd وفي مميزات لكل نظام :

1- نظام الفرامل Abs
نظامِ Abs بيقوم بتقليل مسافة التوقف للسيارة، فبيسمح للسائق التحكم في إتجاهات السيارة في نفس وقت الضغط المفاجىء على دواسة الفرامل ودا بيفيد آي سائق في المواقف الصعبة ،لأن بيقدر من خلاله يوجه السيارة في آي إتجاه محتاجه.

-الفرق بين نظام الفرامل العادي ونظام Abs
فى النظام العادي العجل هيقف بشكل أسرع ودا بيخلي السيارة تزحف فبتحتاج مسافة أطول حتى تتوقف عجلات السيارة ،لكن بالنسبة لنظام Abs العجل هيقف فى وقت أطول ودا هيمنع زحف السيارة وبالتالي هتاخد مسافة أقل عشان تقف وكل دا في خلال ثواني، كمان بيسمح لك نظام Abs بعدم انحراف عجلات السيارات عن مسارها وقت الدوس المفاجىء للفرامل وبكدا بيقلل نظام Abs من كميه الحوادث وبيزود نسبة آمانك بالسيارة.

2- أيه هو نظام الفرامل Ebd
يعتبر نظام Electronic Brakeforce Distribution مكمل للـ Abs لأن نظام فرامل Ebd بيعمل على رفع كفاءة الفرامل عن طريق توزيع قوة الفرامل على الأربع عجلات بشكل مناسب لظروف الطريق وسرعة السيارة وحمولتها فنظام Ebd بيساعد على منع انحراف السياره عن مسارها حتى في الامطار والطرق المبللة.

من أهم مميزات نظام Ebd إنه بيساعد على تقليل نسبة الحوادث ودا لأن أثناء الضغط على الفرامل بتكون ضغط الفرامل كبير على العجلات الخلفية للسيارة ودا لأن الوزن بيكون قليل في الجزء الخلفى فبيفقد السائق قدرته على التحكم في السياره ،لكن نظام Ebd بيقوم بعملية توزيع قوة الفرملة على الأربع عجلات فبيقدر السائق يتحكم في السيارة أكتر وبالتالي بيساعد نظام Ebd علي تقيل نسبة الحوادث ،وعادة ما يتوفر نظامين الفرامل Abs & Ebd في سيارة واحدة ويعتبروا من أهم الأنظمة للحفاظ علي سلامتك وسلامة أسرتك.

إنتظروا مقالنا الجاى عن نظام فرامل Eba، والمقارنه بين جميع أنظمه فرامل السيارات ، وإزاى تحافظ على فرامل سيارتك أطول فتره ممكنه، و شاركونا بتجاربكم فى استخدام نظام الفرامل Abs أو Ebd ؟ وقولولنا أيه أفضل نظام فرامل بتفضلوه؟ ولو سيارتك فيها النظامين قولنا أيه أكتر نوع فرامل بتشغله؟