سرايا - كشفت الفنانة المصرية حورية فرغلي تفاصيل الأزمة التي واجهتها خلال الفترة الماضية، بعد الزجّ باسمها في أزمة طلاق مطرب المهرجانات حسن شاكوش وريم طارق، كما كشفت عن اسم الفتاة الحقيقي الذي ارتبط بها شاكوش.

وكانت ريم طارق، قد أثارت في الأشهر الماضية، جدلاً واسعاً بعد تلميحها بوجود علاقة بين طليقها حسن شاكوش وفتاة ثالث حرف من اسمها هو الراء، لذا ربط الجمهور بين حورية فرغلي وشاكوش.

ورداً على ذلك، قالت حورية فرغلي، خلال تصريحات تلفزيونية، بقولها: "فيه مليون اسم اشمعنى حورية مسكتوا فيه؟ وأنا عمري ما شوفت شاكوش، بس بحب أغانيه، وزعلانة إنه طلّق ريم، لو مكانش فيه حب جامد بينهم مكنش هيكون في خناقاتهم، هي بتحبه أوي وغيورة عليه، بس هو مش عايز يبان قدام الناس إنه بتاع ستات".



وأضافت حورية فرغلي: "ريم المفروض كانت تتعلم إزاي تخلّي حسن ميبصش لحد غيرها، اللي اسمها سارة دي انتوا سافرتوا مع بعض وخرجتوا مع بعض، فمحبتش اسمي ييجي في حاجة زي دي، أنا زعلت إن الموضوع داخل في حتة الشرف، فلما تقولي اسمي هخرب لكم الدنيا"، وفق (لها).



في سياق آخر، كشفت حورية فرغلي أنها ارتبطت بشخص، لكنها فوجئت بأن هذا الشخص "نصّاب"، سرق مصرفاً وسافر خارج البلاد، وخداع هذا الشخص لها عرّضها لأزمة نفسية، إذ قالت: "كان فيه واحد مرتبط بيا، وطلع حرامي وسرق بنوك مصر وسافر، بصّيت ملقتوش كان فيه بينا مجرد تعارف، وأنا بستحمل أي حاجة إلا الخيانة، كل الرجّالة بيحبوا البنات اللي أجسامهم حلوة، الجمال عينيك هتاخد عليه وخلاص، لكن اللي بيفضل الروح والشخصية دا الأهم".

وتحدثت حورية فرغلي عن عشقها للتسوّق، وهوسها بشراء الملابس؛ حيث أشارت إلى أنها خصّصت غرفة كاملة لملابسها، وأثناء عودتها الى مصر من دبي، أوقفها أحد رجال الأمن في المطار، بعدما فوجئ بشرائها 302 بنطلون، حيث قالت: "رجعت من دبي بشنط كتير، فرجل الأمن وقّفني قاللي إنتِ جايبة 302 بنطلون يا مدام، قُلت له والله مش بتاجر بيهم دول بتوعي".

وأضافت: "عندي أوضة خاصة للهدوم، وأكتر حاجة بتضايقني إن البني آدم يكون ريحته وحشة، وأول حاجة بتلفت نظري للشخص أسنانه، الله جميل يحب الجمال، أنا بشوف ياسمين صبري ست جميلة جداً".