سرايا - سرايا - وصلت سرايا رسالة من احد قرائها تريد حلا،وتاليا نص الرسالة:

متزوجة من 7 سنين وعندي وليدين وبنت ، ساكنة في شقة وامامي تسكن جارة تعرفت عليها من بداية السكن في الشقة وفي زيارات متبادلة بيناتنا بس بلّشت اشك فيها هي وبناتها. زوجها دايما مسافر وهي ساكنة مقابلنا وعندها بنتين صبايا.

شكلها بتلف وبتدور على زوجي ، يعني ما بتيجي ولا بحلالها تزورنا الا وقت بكون زوجي في البيت ، وبتجيب معاها بناتها والله اني بنمغص وبصير آكل في حالي أكل.

ونبهتها اكتر من مرة انه عيب تيجي هي وبناتها وخاصة لما يكون زوجي موجود، بعدين احيانان بتيجي وحدة من بناتها بتتحجج انها بدها تستعمل التليفون الأرضي وحاولت افصله بس لانه باسم زوجي ما زبط.

خايفة على زوجي منها ومن بناتها ، وحدة ما بتخجل على حالها، عندي احساس انها الجارة مش مزبوطة، والله لو بيتي بالايجار كان طلعت من الصبح بس الشقة شراء يعني صعب نطلع منها، قلبي بحكيلي انها ناوية على شي يبعد الشر، شو اعمل حتى ابعدها هي وبناتها عن زوجي؟؟؟