سرايا - وصلت سرايا رسالة من احد قرائها تريد حلا،وتاليا نص الرسالة:

انا مخطوبة من شب وفسخة خطبتي منه بعد مده كانت سنه كنت مكتشفه انه عليه ديون بمبالغ كبيره.

وتزوجت شخص اخر قمه من جميع النواحي وكتير بحبني و كتير بحبه و بحترمه.مشكلتي صار الي سنتين متزوجه وحملت مرتين و ما كان فيه نصيب للحمل و الحمدلله هالشي من رب العالمين.

المهم انه انا مخلصه جامعه اربع سنين من دون وظيفه و نفسي اشتغل بس ما في مجال لانه مافي تعيينات الحمدلله ,نفسيتي كتير تعبانه لانه الدنيا مسكره في وجهي من جميع النواحي اهل زوجي ما بحبوني و الد زوجي ما بده يسجل البيت باسم زوجي مع انه هو الي تعب فيه.

وبيتنا كتير بجنن و كتير ناس حسدتنا عليه بس الحمدلله ،انا كتير تعبانه من حظي السيء.

 اولا :فسخة خطبتي , تانيا حملي ما اله نصيب يكتمل .تالتا: اهل زوجي ما بحبوني رابعا : نفسي اتوظف و مليت من الجلوس بالبيت ارجوكم تساعدوني بحل من الحلول مع الشكر و من دون تجريح ارجوكم.