سرايا -

سرايا - تسلمت وكالة سرايا رسالة من احد قراءها طرحت خلالها مشكلتها، وتالياً نصها:

عمري 18 سنة ووزني 95 ك وطولي 160 وبستحي اطلع من البيت بسبب وزني الملفت للنظر والله ما خليت مركز للجيم إلا ورحت سجلت فيه وعم بضيع فلوسي عالفاضي.

بعمل شوية تخسيس ايشي بسيط جدا بس برد برجع متل الأول، بصراحة بحب الأكل كتير ولما بزعل بفش علّي بالأكل ، والكل بحكيلي يا فيل وشو اعمل بحياتي ، نفسي البس عالموضة ونفسي البس متل بنات جيلي ، وانا المفروض أكون توجيهي هادي السنة بس انا استحيت من حالي وما كملت مدرسة لاني بتعذب وبموت الف موتة لما بشوف حالي غير عن البنات وبموت من التعليقات اللي بسمعها من الشباب.

 أرجوكم انصحوني شو اعمل وبدون ريجيم قاسي لاني ما بقدر على الجوع . أرجوكم .