بقلم : طه جدعان بقور
أكثر ما يميز الشعب الأردني هو حب الإختصار : إختصار الوقت ، إختصار الجهد وإلإختصار في الكلام .

ما يهمني في هذا المقام هو ( الإختصار في الكلام ) وهنا تبرز الكلمة الأكثر إستخداما عند محاولة إختصار الكلام وهي كلمة ( كذا ) .

يقول الأردني : إمبارح رحت على الجماعة وقلتلهم كذا وكذا ، قالوا : لأ كذا وكذا ما تمشي معنا لأن كذا و كذا مش من عاداتنا ، قال لهم : طيب مين إلي إقترح عليكم كذا وكذا ؟
قالوا : إسمع إحنا طلباتنا كذا و كذا أما كذا وكذا ما بيلزمنا لأنا من يوم ما خلقنا وإحنا كذا وكذا ، قال لهم : على مهلكم لا توصلوا الأمور لكذا وكذا أحسن ما ألعن كذا وكذا .. وقف واحد من الحضور وقال : يعني هي وصلت لكذا وكذا ؟
وبالنهاية إتفقنا على أسس كذا وكذا أحسن ما تطور المسألة ويصير فيها كذا وكذا .

وبالنسبة للكاتب : يتمنى لو حدا يأخذ له موعد مع الكذا .. ويجهز حاله الصبح ويطقم ، ولما يوصل يلاقي كذا واحد مستنيه ويدخل ممر طويل فيه كذا غرفة ، ويسأل عن الكذا ، يقولوله أي كذا فيهم ؟ طبعا هو راح يختار الكذا الأسمر .. وبعد شوي يطلعله واحد أطول من الكذا وماسك بإيده الكذا وحاط كذا على جنبه ، ويمسك بإيد الكاتب ويأخذه لآخر الممر ويطلب منه يدخل من هذا الباب ، ليجد نفسه في الشارع مرة أخرى ( زي كذا مرة قبل هيك ) .

يا رب الكذا إلي بيني وبينك وفورا