سرايا - وصلت سرايا رسالة من احد قرائها تريد حلا،وتاليا نص الرسالة:

انا بنت عمري 17 سنة بدرس توجيهي بالمدرسة والحمد لله انا ملتزمة ولابسه جلباب والله يهدي الجميع ان شاء الله مشكلتي انه في شب على طول بيضل يلحق فيا وما بعرف ولا بدي اعرف شو بدو.

 وانا ما بقدر ابهدله ما عندي جرأة بهاد الشي وكمان ما بدي احكي لأهلي لانو اخواني عصبيين وبخاف يعملو معو مشكلة ويتأذو بسببي.

 المشكلة انو الشب كتير زنخ وما بيفهم عربي اكتر من مرة بهدلتو صاحبتي اللي بتروح معي ع المدرسة بس ما بيفهم وحاولت اكتر من مرة اني اغير طريقي للمدرسة بس هو عرف اني غيرت الطريق وصار يستناني قبال بيتنا بترجاكم اعطوني حل انا متل اختكم . بس رجاءاً بدون اهانات.