سرايا - اعتلى وسام قطب منصات التواصل الاجتماعي بعد أن قام عموم متابعين المشاهير حول العالم بإطلاق حملة "بلوك المشاهير" لإلغاء المتابعات عن المشاهير الذين لم يدعموا قطاع غزة أثناء الحرب وتوقفوا عن النشر لهم وعادوا إلى ممارسة حياتهم بشكل طبيعي .

وكان من ضمن المشاهير الذين تعرضوا لهجوم حاد على مواقع التواصل الاجتماعي هو الناشط وسام قطب، والذي نشر رسالة نارية رداً على الهجوم الكبير الذي تعرض له من قبل المتابعين ، موجهاً رسائل عديدة في رسالة تداولها الناشطون عبر مواقع التواصل الاجتماعي على أنها "حالة" نشرها قطب رداً على ما قيل في حقه .



وكتب قطب بحسب ما تم تداوله : "مشكلتكم الحقيقية أنكم جبناء و خوافين وجهلة الكلام القذر والجارح الي بتحكوا فيه الي أو لغيري إنتوا عارفين أنكم بتوجهوا كلامكم للناس الغلط نحن في النهاية زينا زيكم و الي طالع بايدينا عم نعمله و بنحاول نعمل اکثر كمان بس لكل حدا بحكي عن وطنيتي و موقفي تجاه فلسطين ف إسمحلي احكيلك انك بني ادم جاهل و جبان.

لأنك جاهل الناس بتستعمل جهلك عشان تحركك لأنك عاطفي الناس عم تستعمل عاطفتك عشان تحركك بس وين عم بتحركك؟ عمرك أتطلعت على حالك و انت بتسبب على ناس زيك زيهم ولا لا إسمحلي دقيقة، بتسبب على ناس قدموا "كثير" اكثر منك انت يا اما ذباب الكتروني وقتها حسابك عند ربنا لأنك بتتعامل مع الصهاينة وبتكون صهيوني لعين، أو انك بكل معنى الكلمة حمار، شغال تفرق الناس عن بعض وتعمل فتنة من كل شي بتقدر عليه، لانك ما عندك أشي ثاني تعمله في حياتك غير هيك.

ولكوا حكيناها ميتين مليون مرة خلينا إيد وحدة خلونا مع بعض، خلونا كلنا نشيل مع بعض بس ما حدا بده يحل كله بده يخرب كله بده يشوف كل حدا ماكل خرا عشان ما يحس حاله لحاله. إذا عندك أشي منيح تحكيه، احكيه. إذا ما عندك إشي منيح تحكيه يا سيدي الله بعينك سد ثمك.

كل بني ادم على وجه الارض تغيرت حياته بعد ٧ الشهر، كثير ناس عندها موظفين و عیل و عيال بصرفوا عليهم. إذا انت ما عندك قدرة تستوعب انه السوشال ميديا شغل ف هاي مشكلتك عزيزي ما حدا بيقدر يترك شغله اكثر من هيك، لازم انضل اننزل عشان هاض شغلنا، بغض النظر لو انت شايف انه الشغل هاض "تفاهة" بضل شغل بضل في موظفين بضل في رواتب. بضل في مسؤوليات.

طول ما انت بتصحى الصبح وبتروح المدرسة أو الجامعة وبتلاقي في دكتور أو أستاذ يعلمك، بدك تحترم كل إنسان بصحى الصبح و بسترزق و بتعب على شغله عشانه و عشان مسؤولياته

ما حسمح لأي بني ادم انه يشككني في وطنيتي و لو بنقطة مش بحرف، بنقطة. أنا فلسطيني اباً عن جد هويتي شكلتني ، أوجاعي و اوجاع اهلي تاركين بصمة في قلبي ليوم الدين واحدا اسباب دخولي المجال هاض كله إني أوصل لمرحلة بيوم اقدر احكي عن بلدي و عن اهلي و مش ناسي أشي كان سبب في حراكي، عجبك عجبك، ما عجبك بتنطم وبتتفرج علي و أنا بنجح و بحكي عن فلسطين".

• إقرأ أيضاً : مهم من "الضريبة" عبر "سرايا" حول صرف الرديات الضريبية
• إقرأ أيضاً : المعهد المروري للأردنيين: ملء خزان وقود المركبات في الصيف خطر
• إقرأ أيضاً : منصة ترند "سرايا" تحصد ثقة ملايين المتابعين خلال زمن قياسي - تفاصيل