04-10-2011 05:11 AM
سرايا - وصلت سرايا رسالة من احد قرائها تريد حلا،وتاليا نص الرسالة:
انا عمري 22 خلصت جامعة ، كانت حياتي حلوة قبل ما ادخل على الفيس بوك ، كان هدفي أتخرج واشتغل في مجال تخصصي وكان عندي طموح ، ما كنت استعمل النت الا في البحث عن مواضيع تتعلق بتخصصي الجامعي ، هلأ جالسة مع الفيس بوك لا شغلة ولا عملة ومش حابة اشتغل ولا باي مكان لاني متجوزة الفيس بوك 24 ساعة .
بابا انجن مني وكل ما ينادي علي بدو شغلة بصير يحكي يلعن ابو التيس بوك ، هيك بابا مسميه (التيس بوك) تعرفت على 500 صديق وصديقة من داخل وخارج الأردن وكل يوم لازم احكي معهم ، وانا سعيدة ومرتاحة بس أهلي في البيت بحكولي روحي قدمي أوراقك وشهادتك واشتغلي حرام تضلي هيك مع اني حاصلة على بكالوريوس علم الأجنة ودراستي كانت صعبة كتير .
وبالانكليزي كمان ، بس انا ما بدي اشتغل لانه الفيس بوك أخذ كل وقتي وحياتي وخايفة كمان يوخذ شباب متل ما حكتلي ماما.
طرحت مشكلتي حتى أشوف اذا كان معي حق أو لا وبدي تحكولي بصير هذا الايشي معكو ومستحيل ابعد عن الفيس بوك لانه حياتي الاجتماعية والعاطفية وبشوف راحتي فيه وبشوف نفسي فيه ولما بكون زعلانة بروح للفيس بوك.
والله حسيت الفيس بوك هو بابا وماما وكل أهلي ، مش عارفة شو اللي صار معي وكأنه حدا داعي علي دعوة لحتى الله بلاني بالفيس بوك. شو اعمل بالله عليكم؟؟؟؟ خلصوني منه قبل ما يخلّص علي ؟؟!
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
04-10-2011 05:11 AM
سرايا |
لا يوجد تعليقات |