سرايا - انا شب بدت قصتي لما كنت بدور ع شغل علماً اني مش مخلص توجيهي، فكان في صديق لوالدي عندو مطبعة كبيرة تعاطف مع وضعي وخلا ابنو يعلمني مبادئ بالمحاسبة عشان استلم حسابات المطبعة.. تعلمت و باشرت بالشغل وكلو تمام هاد الشخص كان كتير منيح معي ووعدني انو يزيدلي راتبي بعد فترة و يرقيني لما يفتح الفرع الثاني.. فواحد من الشغيلة قلي ع طريقة تلاعب بالحسابات تقريباً اختلاس و المصاري الي بتطلع نتقاسمها انا وياه.. ما رح اكذب الشيطان لعب بعبي و طبقتها لمدة شهر و اثنين و ثلاثة.. صاحب الشغل حس.. وواجهني بالموضوع.. انا قدرت بطريقة اني اتهم الشغيل و طلعت براسو وانا نفدت و بطلت هالقصة لفترة.. من فترة كم يوم اجتنا تجرة طباعة كبيرة يعني اذا طبقت القصة بيطلعلي مبلغ محرز.. بس خايف يكون في فخ من صاحب الشغل او انو يرجع يمسك القصة ووقتها مافي الي مبرر..