سرايا - سرايا – وصلت سرايا رسالة من أحد قرائها يريد حلا،وتاليا نص الرسالة: 

أنا مدخنة  عمري 20 سنة ، سنة ثانية جامعة ، ما كنت أدخن ولا عمري بحياتي دخنت سيجارة ، بس لما دخلت الجامعة تعرفت على بنات مدمنات مدخنات وصاروا يعزموا علي وأنا ارفض وبعدين صاروا يسمعوني كلام اذا ما بدخني بحكوا عنك هبلة وصاروا يستهزؤا علي ويقولوا خليكي هبلة وعلى نياتك ، وانه الشباب بحبوا البنت القوية والملحلحة ومن هادا الحكي .

وشوي شوي صرت مدمنة وانقلبت حياتي الى جحيم لاني بطلت اعرف اعيش حياتي في داخل البيت مع العلم انه اهلي ما بعرفوا اني بدخن الا امي وبواجه صعوبات لاني مش عارفة امتنع او امنع نفسي عن التدخين داخل البيت وأمي بتحكيلي البنت المدخنة بتفقد أنوثتها 100% . بس أنا بحاول قدر المستطاع ابعد عنه بس انا مش قادرة.

أعطوني الحل وساعدوني لو سمحتوا.