سرايا - سرايا – وصلت سرايا رسالة من أحد قرائها يريد حلا،وتاليا نص الرسالة: 

انا موظف بشتغل في بنك في خدمه العملاء وبطبيعه شغلي بيمر علي ناس كتير وباحدى الايام مرت عندي بنت بدها تفتح حساب وكنت عم بشرحلها وهيه كانت تطلع علي تطليعات غريبه.

فسائلتها وصارت تحكيلي انها بتقرأ العيون وصارت تحكيلي كل اشي عن حياتي وشخصيتي كانها بتعرفني من زمان وانا انصدمت من كلامها وهيه راحت من هون وانا مصدوم لهيك استغليت انه فتحت حساب واخدت كل المعلومات عنها ورقمها ولما روحت اتصلت عليها وحكينا كتير لدرجه انه حسيت حالي بعرفها من زمان.

وللاسف مر اسبوع ووقعت بحبها وهيه حبتني كمان وكنت اشوفها كل يوم وتعلقت فيها كتير كأنها سحرتني وعرفت عنها انه كانت عايشه بدوله اجنبيه هيه واهلها وجديد استقروه هون لهيك طلبت اخطبها وهيه وافقت وانبسطت وعرضت الموضوع على اهلي وافقوا وبعد مرور اسبوع تقريبا تغيرت البنت فجاه.

وبطلت تحب تشوفني ولا تحكي معي ولا حتى تسال عني وسالتها عن السبب ماجاوبت وبالصدفه كنت مروح من شغلي وكانت الصدمه انه شفتها مع واحد تاني جيت بدي اضربهم بس ماكانت عندي القدره وبعدها تركنا بعض وعرفت انه حبت واحد تاني بنفس الاسلوب وانا للاسف لسا بحبها وعم اتعذب شو اعمل؟