سرايا - سرايا – وصلت سرايا رسالة من أحد قرائها يريد حلا،وتاليا نص الرسالة

مشكلتي غريبة نوعا ما وما بتحصل في البيوت ولكن حصلت معي أنا بالذات في عريس بدو ييجي يشوفني وحضرنا كل شي من لوازم الضيافة وغيره .

وكنت مبسوطة وطايرة من الفرحة ورحت اشتريت فستان للمناسبة ورحت عند جارتي وعملتلي شعري وامه كانت شايفتني قبل بيومين وعجبتها وبناء عليه جابت ابنها .

أمي غلطت غلطة كبيرة وعم توكل أصابعها ندم وما نشفتلها دمعة ، وهي انه أمي راحت حكت مع خالتي الي ساكنة قريبة منا وحكت لها انه في عريس جاي لبنتي تعالي عشان تشوفي أمه وتتعرفي عليها وتوقفي معي .

بس خالتي الحقودة راحت جابت بنتها معها (مقصودة) وملبستها على آخر موديل ولما شفتها انصدمت والعريس لما شافني شكله غير رأيه وتاني يوم بتصلوا بخالتي عشان بنتهم .

تمنيت لو إنها انشقت الأرض وبلعت خالتي وبنتها. اللي صار معي سوء تصرف من امي او ما في نصيب ؟