كيف أقدر أن أوفق بين عملي ودراستي ؟

20-04-2014 09:11 AM

تعديل حجم الخط:

سرايا - سرايا - انا تخرجت 2012 من الجامعة وتخصصي ادب انجليزي

واول ما تخرجت اشتغلت في شركة بس ما حبيت لانه اختلاط ودوام طويل

فتركت ودورت على شغل في مدرسة واشتغلت في مدرسة خاصة كبيرة كتير..والمديرة حبتني وشغلتني مع انه ما عندي خبرة بس حستني شاطرة

واشتغلت واثبتت حالي ومبسوطة مع الناس اللي بشتغل معهم ومرتاحة نفسيا بس الشغل كتييييير وليل نهار وبيعطونا شغل نعمله في البيت ..

قررت ما اجدد عقدي وادور على شغل تاني في مدرسة تانية لانه بدي اكمل ماجستير على بداية السنة وطول ما انا في هاي المدرسة ما رح اقدر ادرس بعد الدوام ولا حتى اعمل دورات حتى اطور حالي ..

بس خايفة اترك وما الاقي شغل ارتاح فيه نفسيا متل ما انا مرتاحة في شغلي هاد او اضل بدون شغل لانه كل اللي معي سنة خبرة فاكيد مو كتير مدارس بتقبل ..

وهيك اذا تركت وضليت بدون شغل ما رح اقدر اكمل ماجستير واوصل لمرحلة اني خسرت كل شي.. كيف آخد قرار صح !؟

تابع قناتنا على يوتيوب

تابع صفحتنا على فيسبوك

تابع منصة ترند سرايا

طباعة

المشاهدات: 77113


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	20-04-2014 09:11 AM سرايا
2 -	الظروف المادية التي تعيشينها هي التي تجيب فاما دراسات عليا واما وظيفة وراتب وتؤجل الدراسة الى ان يتوفر المبلغ المطلوب للدراسات العليا وفقك الله يا شاطرة	20-04-2014 12:49 PM ورد الحمزات التبليغ عن إساءة
3 -	اختي لساتك خريجة جديدة ويبدو انه ظروف الأهل المادية ما بتعينك على مواصلة الماجيستير بدون ما تشتغلي...عشان ليش تلزمي حالك ببداية السنة طولي بالك فترة وكملي شغلك بمدرستك ~الكل وين ما كان بشكي من ضغوطات العمل~ ووفري اقساط الدراسة الله يعينك لانها غاليه وبعدين اتفرغي للدراسة بس والله ييسر امرك وموفقة...	20-04-2014 01:34 PM لانا التبليغ عن إساءة
4 -	انا نصيحتي خليكي بالمدرسه هاي لانه كل المدارس الخاصه زي بعض وفري وقتك بالبحث عن وظيفه و مقابلات و وعود اشي بزهق ما دام ربنا وفقك بالشغل هاد استمري عليه و بعدين بس اول سنه بتكون صعبه بالتدريس لانك مو متعوده بعدين بتصير الامور اسهل و بتصيري عارفه كل ظروف التدريس و الوقت معك بصير يتوفر ان شاء الله .	20-04-2014 04:12 PM ريم التبليغ عن إساءة
5 -	عفكرة تعليق رقم (3) اختصرت علي كتيييييييييييييييييييييييييييير من اللي كنت بدي احكيلك ياه واذا ما كان نفس الحكي كمان، لانو بصراحة حكت اشي صح 100% وانا بنصحك نفس نصيحتها ، خليكي بالمدرسة هاي لانك بعدك جديدة اول سنة صعبة بعدين بخف الشغل ، او عندي حل تاني انتي اذا لقيتي مدرسة تانية حاولي تاخدي اجازة اسبوعين من هاي المدرسة واتداومي بهديك الجديدة واذا كانت منيحة انتقلي عليها عشان تقدري تكملي الماجستير لانو برضو دراستك مهمة وعجبتيني لانك بدك تكملي دراستك، والمدرسة هاي دوامها طويل ومش قادرة انتي تدرسي بس زي ما حكيتلك العبي بالمقصقص لحد ما يجيكي الطيار، خدي اجازة اسبوعين بدون راتب وداومي هناك اذا عجبك الشغل انتقلي ما عجبك ما خسرتي هيو شغلك الاول محله وانتي وشطارتك دبري حالك والله يوفقك .	20-04-2014 06:36 PM نسرين الشمايلة التبليغ عن إساءة
6 -	اختي العزيزه اتمنا لكي التوفيق ...... والله حالتي من حالتك ..... ولكن انا الحمدلله اشتركت بجمعيه والتزمت بمبلغ شهري من راتبي لمدة عشر اشهر وبضمن ان شاء الله مبلغ 2000 بشهر 11 ,,,, قالحل انه اتوفري من راتبك بشكل شهري قد ما بتقدري ,,,, او تودعيهم عن حدا توثقي فيه ....ز واوعك تتركي المدرسه ..... موفقه	21-04-2014 12:27 AM اياد الرواضيه التبليغ عن إساءة